Menu QR për restorante
Menu me QR code për restorante
Klienti ulet, skanon kodin në tavolinë dhe menuja hapet menjëherë në telefon. Pa aplikacion për të shkarkuar, pa PDF që duhet zmadhuar me dy gishta, dhe pa pritur dikë tjetër që të ndryshojë një çmim.
Problemi me menunë që ke sot
Menuja e printuar vjetrohet ditën që ndryshon një çmim. Pastaj ose printon nga e para, ose lë çmimin e vjetër dhe ia shpjegon klientit me gojë — e para kushton, e dyta të kushton më shumë.
Zgjidhja që zgjedhin shumica, një PDF pas kodit QR, është më e keqe se duket. Hapet ngadalë, del i vogël, klienti duhet ta zmadhojë me gishta dhe të lëvizë djathtas-majtas për çdo rresht. Dhe prapë duhet ta ribësh sa herë ndryshon diçka.
Çfarë merr
- Një kod QR për çdo tavolinë. I printuar si duhet dhe gati për t'u vendosur — klienti e skanon me kamerën e telefonit, pa instaluar asgjë.
- Menu që e ndryshon vetë. Ndryshon një çmim, hiq një pjatë që mbaroi ose shto ofertën e ditës nga telefoni yt, dhe klienti e sheh menjëherë.
- Hapet në çast. Ndërtuar të jetë e lehtë dhe e shpejtë edhe me internet të dobët, sepse klienti i uritur nuk pret një faqe që ngarkohet.
- E lexueshme pa zmadhuar. Teksti, fotot dhe kategoritë janë bërë për ekranin e telefonit që në fillim, jo një dokument i shtypur i ngjitur në internet.
- Fotografi, alergjenë dhe përshkrime. Aty ku një foto e mirë shet, vendose foton. Aty ku duhet shënuar një alergjen, shënoje — të dyja pa e mbytur faqen.
- Disa gjuhë, nëse të duhen. Shqip për vendasit dhe anglisht ose italisht për turistët, me të njëjtin kod QR.
Kush e përdor më mirë
Restorante dhe pizzeri që ndryshojnë menunë sezonalisht. Bare dhe kafene me oferta që lëvizin javë pas jave. Lokale bregdetare që gjysmën e vitit shërbejnë turistë dhe kanë nevojë për një gjuhë të dytë. Dhe çdo vend ku dikush e ka gërvishtur një çmim me stilolaps mbi menunë e printuar — ai është shenja më e qartë se ka ardhur koha.
Pyetje të shpeshta
Pyetje për menunë me QR
Ato që bëhen para se të nisim.
Sa kushton një menu me QR code?
Çmimi varet nga sa e madhe është menuja, nëse duhen fotografi dhe sa gjuhë të duhen. Nuk kam një listë çmimesh të gatshme — pas një bisede të shkurtër merr një ofertë fikse, të ndarë sipas asaj që përfshihet.
A mund ta ndryshoj vetë menunë?
Po, kjo është e gjithë pika. Ndryshon çmime, heq pjata dhe shton oferta nga telefoni, dhe klienti e sheh ndryshimin menjëherë. Nuk ka nevojë të më shkruash mua për çdo gjë.
A duhet klienti të shkarkojë ndonjë aplikacion?
Jo. Skanon kodin me kamerën e telefonit dhe menuja hapet në shfletues. Kjo funksionon në çdo telefon të viteve të fundit, pa asnjë hap shtesë.
Sa kohë duhet që të jetë gati?
Një menu e zakonshme është zakonisht çështje ditësh, jo javësh. Pjesa që zgjat më shumë nuk është ndërtimi por mbledhja e përmbajtjes — lista e plotë, çmimet dhe fotot nëse do.
Po nëse kam disa lokale?
Secili lokal mund të ketë menunë dhe kodin e vet, ose mund të ndajnë një bazë të përbashkët dhe të ndryshojnë vetëm aty ku ndryshojnë vërtet. Varet si punoni, dhe e vendosim në bisedë.
A më duhet edhe një faqe interneti?
Jo domosdoshmërisht. Menuja funksionon vetëm. Por nëse do një faqe të plotë me vendndodhjen, oraret dhe rezervimet, menuja hyn brenda saj si një pjesë e vetme.